楚撚記大排檔 (寶光大廈)

Open Now

Now Closed

約咗幾次食楚撚記，終於有一次食到。只係book到夜晚8:30 ，雖然夜咗啲，但係勝在唔使趕住交枱。好快叫咗四個餸，同埋最緊要嘅豬油撈飯。#西楚霸王雞：正常表現，薑蔥幾好食，雞偏肥幾大隻。小炒王大碟抵食，韭菜花夠多，水準之作。#脆皮大腸：係朋友心頭好，賣相漂亮，不知是否被鳳梨影響，上枱時已變得軟身，不脆口且冰冷，完全沒有炸大腸那種風味，令人失望，可惜😔。#冬瓜玉環（唔記得真名）：正常水準，不過不失。我至愛九肚魚賣晒，最後心思思都係加咗一款炸物，#金沙黃金白飯魚 出奇地不鹹，但鹹蛋黃起沙的感覺不太重，炸物來說也算輕盈。整餐飯亮點最終都是楚撚豬油撈飯，盛讚店家揀米好，豉油調校得鹹甜適中，熱辣辣撈勻最好食，悉隨尊便加上芫荽蔥，滿足。同場當然討論不少動物油植物油食物金字塔等等健康問題謎思。健康話題，總是隨時代商業需要而變，自行定奪吧。今晚隨心高興就好。