Burger Mate

Open Now

Now Closed

連鎖式漢堡越來越多，Shake乜Five乜應該都唔會陌生。小店雖然冇集團式咁有規模，但驚喜就係連鎖店俾唔到。今次食手工漢堡就係小店規模，冇記錯呢個位上手都係賣漢堡。除咗主打嘅牛肉漢堡，亦有天婦羅蝦同埋雞扒漢堡。瑞士芝士安格斯牛漢堡 $85手打安格斯牛係唔同啲，口感彈牙又juicy，令人好有滿足感。濃香芝士配番茄同生菜好醒神，而且個包皮都唔會hea你。香脆雞扒漢堡 $98雞扒漢堡令人充滿新鮮感，以一條條既炸雞代替雞扒，份量一樣咁足，分分鐘多過一塊雞扒，又係一啖都咬唔晒成個包，而且醬汁、配菜的調配同雞扒好夾。黑松露薯條 $65薯條熱辣辣，沾滿黑松露醬，香口好味。香蕉奶昔 $35奶昔並非濃稠版本，仍能帶出蕉香。