Video
Read full review
2022-06-02
1329 views
星期五放工去咗北角搵朋友食飯，我哋幫襯咗「小城鎮🏰」，如果唔係街坊未必識嚟😳，因為佢位置喺內街。餐廳裝修行工業風，用上舊式火車模型同復古路牌作點綴🚞，配合返外國小城鎮嘅主題。整體環境舒服，朋友聚會或情侶拍拖嚟呢度都好適合！餐廳定價比想像中平🍽，大部份薄餅、意粉同飯類嘅菜式一百蚊樓下有找；而肉扒就貴少少，但都係講緊百幾二百蚊，而且份量仲要好多！佢設有二人套餐，但想食嘅嘢都不在其中，所以最終散叫。三文魚卡邦尼意粉($98)，🍝意粉賣相吸引，麵條偏幼身，口感富嚼勁，兼且非常掛汁。我認為比起所謂專門店嘅手工Pasta更出色！卡邦尼醬汁唔會好膩好黏，偏近忌廉風。面頭散上脆煙肉粒🥓，而內裡就有煮熟咗嘅煙三文魚、煙肉片同雜菌，每啖食落都好豐富。蒜蓉香草焗羊架($168)，🐑🍖羊架一客有三件，羊羶味適中，並滲透出蒜蓉香草味，但又唔會蓋過肉味。羊架肉質唔韌，沾薄荷醬食一流🌿！伴菜擺盤好有心思，包括車厘茄、翠玉瓜、西蘭花同椰菜等，全部蔬菜都好清甜。忌廉黑菌牛柳粒($75)，小食滿有驚喜，因為無諗過個汁咁惹味，而且同牛柳粒都好夾🤤。牛柳粒有七至八粒，質素唔錯，牛味濃郁兼肉嫩。除咗肉之外，佢仲有好多菇🍄同三色
星期五放工去咗北角搵朋友食飯，我哋幫襯咗「小城鎮🏰」，如果唔係街坊未必識嚟😳，因為佢位置喺內街。
餐廳裝修行工業風，用上舊式火車模型同復古路牌作點綴🚞，配合返外國小城鎮嘅主題。整體環境舒服，朋友聚會或情侶拍拖嚟呢度都好適合！
餐廳定價比想像中平🍽，大部份薄餅、意粉同飯類嘅菜式一百蚊樓下有找；而肉扒就貴少少，但都係講緊百幾二百蚊，而且份量仲要好多！佢設有二人套餐，但想食嘅嘢都不在其中，所以最終散叫。
三文魚卡邦尼意粉
$98
28 views
0 likes
0 comments
蒜蓉香草焗羊架
$168
25 views
0 likes
0 comments
忌廉黑菌牛柳粒
$75
14 views
0 likes
0 comments
煙三文魚牛油果醬沙沙多士($69)，店員特別推介沙沙多士🥖，佢話呢款最多人嗌。四件多士為一客，麵包屬正常發揮，少少脆唔乾身。不過重點所在係上面啲餡，煙三文魚粒嘅鹹香🐟同酸酸哋嘅牛油果醬🥑相映成趣。
酥皮湯
7 views
0 likes
0 comments
藍莓芝士蛋糕，跟餐蛋糕三選一🍰，細細件，份量啱啱好，因為已經好飽。芝士層真材實料，所以食落都幾滯，不過唔太甜；但藍莓醬就麻麻哋，應該唔係新鮮果肉。
飲品方面，我哋要咗紅豆宇治抹茶(原價$32)同埋玫瑰綠茶梳打(原價$36)，兩杯造型好睇又好飲。🍵前者嘅抹茶同紅豆係最佳拍檔，後者組合看似唔太搭調，綠茶溝梳打係乜玩法，但出奇地無咩違和感，而且玫瑰香突出🌹。
總括嚟講，小城鎮嘅食物出品幾有水準，價錢大眾化，又大大碟😄，難怪在座食客都表現得好滿足。呢度好似仲有Happy Hour優惠，啤酒配小食無得輸，我下次都會再嚟幫襯！
Post
