大自然素食

Open Now

Now Closed

係呢度食個兩次，兩次感覺都好好，所以才寫下食評，希望更多人來食和支持，因為香港好多小企業 小餐廳都敵不過成本貴。本人平時對素食真的沒好感，覺得好悶的菜式，但食過呢間令我改觀。我只講重點一啲好食會推介的。1.木瓜沙律，入面全都係青瓜素蟹柳，沙律醬，加上肉鬆。啲食材都好新鮮！ 評分7/102. 田園沙律，呢個大力推薦，個汁好特別，酸酸地好開胃，一大盆，夠四個人食，啲汁好多，啲沙律菜火箭菜好鮮，份量多到覺得好抵，我認為比起什麼凱撒沙律 更好味！ 評分8/103. 牛油果多士 呢個都好推薦！至少要叫兩塊的，一塊好大，比我既手掌仲大，呢個多士都好特別，鋪滿牛油果泥，雖然味道不太強烈，但依家啲牛油果甘貴，感覺好滿足，面包烘得好脆，食完已經飽左一半，我認為可以加練奶/ 酸酸地既汁 味道豐富一啲。評分7.5/10其他既菜都係中餐為主，質素中上，暫時未食到難食既難，服務方面，員工中年婦女為主，但佢地都好態度 唔會係啲冇咩禮貌 粗聲粗氣既呀姐，所以我仲會再來的，素食首選。