Video
Read full review
2011-03-27
52 views
最近跟友人們談及香港小食掃街文化，大家傾得興高采烈，邊條街賣嘅臭豆腐正，邊間咖哩魚蛋夠彈牙，邊間牛雜夠入味，大家總有共同答案，唯獨對雞蛋仔就有唔同見解。有人對利記王國讚不絕口，有人對低調高手果份真功夫百般欣賞，更有人受電視神化後，特登去西灣河朝聖，雖然大家意見不一，但就同樣對大坑果位無名伯伯所做嘅雞蛋仔異口同聲讚好！無名伯伯以炭爐燒出外脆內厚嘅傳統雞蛋仔，年青一輩或者食唔慣，不過呢種口味正係我地最懷念最樸實嘅一種。蛋漿比起其他小店較濃稠，而且黏性特強，所以做出來嘅雞蛋仔亦份外飽滿。有幸跟伯伯傾左一陣計，佢透露多年來一直都沿用四隻雞蛋做出三份雞蛋仔嘅份量，我仲笑住同伯伯講：「物價飛漲下會唔會因價就貨架？」伯伯回望我一眼，再低頭努力做雞蛋仔，口裡就話：「後生仔，開稀左就唔好食架喇，最緊要大家覺得好食同食得夠飽呀！」心想有一定道理，抵你多FANS！然而，伯伯在說話尾音及面容上流露一點唏噓，到底係為左百物騰貴影響而慨嘆，定係因為走鬼而擔驚受怕呢？就喺呢個時候，新鮮熱辣嘅雞蛋仔整好，將十蚊交俾伯伯，說句多謝，開始在呢份雞蛋仔中感受伯伯多年嘅努力。每一粒雞蛋仔瀰漫住陣陣炭香，呢種碩果僅存嘅香氣，除
無名伯伯以炭爐燒出外脆內厚嘅傳統雞蛋仔，年青一輩或者食唔慣，不過呢種口味正係我地最懷念最樸實嘅一種。蛋漿比起其他小店較濃稠，而且黏性特強，所以做出來嘅雞蛋仔亦份外飽滿。有幸跟伯伯傾左一陣計，佢透露多年來一直都沿用四隻雞蛋做出三份雞蛋仔嘅份量，我仲笑住同伯伯講：「物價飛漲下會唔會因價就貨架？」伯伯回望我一眼，再低頭努力做雞蛋仔，口裡就話：「後生仔，開稀左就唔好食架喇，最緊要大家覺得好食同食得夠飽呀！」心想有一定道理，抵你多FANS！然而，伯伯在說話尾音及面容上流露一點唏噓，到底係為左百物騰貴影響而慨嘆，定係因為走鬼而擔驚受怕呢？
就喺呢個時候，新鮮熱辣嘅雞蛋仔整好，將十蚊交俾伯伯，說句多謝，開始在呢份雞蛋仔中感受伯伯多年嘅努力。每一粒雞蛋仔瀰漫住陣陣炭香，呢種碩果僅存嘅香氣，除左大澳另一位賣雞蛋仔阿伯可以做到之外，絕對係市區罕見。外層脆卜卜，內裡填到滿一滿，好似一個個鬆軟海棉蛋糕，蛋香豐富，非常好味，而且明顯跟其他果啲奶香較多雞蛋仔截然不同，起碼食完唔會覺得「絕對空虛」。依家呢類炭爐燒雞蛋仔已買少見少，我亦希望傳統味道可以一直流傳落去，唔好被時間巨輪下吞噬吧！呢一刻，真想了解伯伯內心世界更多...「何事無聊地嘆氣，可會說我知....」
Post
