海南少爺 (Closed)

朋友有優惠券係手，我地就去左海港城shopping，行到好攰就揾間餐廳食飯，海南少爺對住個海景，環境靚，坐得舒適。招牌海南雞飯海南雞嫩滑，雞皮爽口彈牙，加左醬汁好惹味，油飯粒粒分明充滿雞油香味。香脆蜜糖單骨雞翼香脆可口，粉漿薄身，加左蜜糖甜甜地。馬拉盞通菜有鑊氣，馬拉盞香辣惹味，通菜爽脆無渣。印度酥餅配咖喱汁酥餅鬆軟，熱辣辣沾上香濃咖喱汁十分好味。椰香桂圓紫米露材料好足料，唔會太甜，椰汁味道香濃。