La Moo Moo' s Steak and Fries (Renamed) View

食牛扒當然要來灣仔La Moo Moo, 用小斧頭切牛扒好得意～小斧頭刀仲可以係店購買～呢度都好適合放工同朋友食牛扒飲兩杯，環境好恬靜，適合情侶、朋友聊天，燈光暗暗特別有情調～我地叫左一個牛扒餐share,薯條係幼身個款炸得唔油, 今晚餐湯係蕃茄湯、味道好香濃順口，一飲就知係鮮蕃茄打成，仲飲到蕃茄蓉好鮮甜，凱撒沙律菜好爽脆新鮮，牛扒厚身實肉有口感～好多肉汁，medium 煮得剛剛好，唔會過老過硬，無乜脂肪但肉質夠腍滑易咬～特製嘅阿根醬青醬好香口，同牛扒好絕合，唔會太濃蓋過牛肉味道～BBQ豬肋骨燒得好惹味好入味～食得我地津津有味～薯蓉亦好綿滑，口感creamy, 食到停唔到口～