楊恩記麵家

Open Now

Now Closed

屋企人睇完東張西望嘅訪問之後覺得呢一間嘅魚片魚蛋好吸引，所以專程嚟試一下。星期六中午嚟到，唔需要排隊直接可以堂食。我哋嗌咗三款唔同配搭嘅粉麵，不過因為有朋友識同我反應佢嘅魚片一般，所以我哋都冇專登叫一條嚟食。1.魚片魚餃麵2.雲吞魚餃粗麵3.魚片墨丸河粉總體嚟講魚片胡椒味比較重，算係彈牙，但未至於食完好回味。佢嘅墨丸比較特別，幾重芫茜味，諗起食點心嗰種牛肉球嘅感覺。雲吞同魚餃就正常發揮。但我哋都覺得份量比較少，而午餐嚟講食完一碗唔夠飽。電視訪問提到佢哋嘅堅持，我覺得係值得支持一下，不過味道方面又未值得我再次回訪。