漁獲浜燒 (Closed)

老公話為補償呢排做嘢忙唔得閒陪我，今日帶我嚟食大餐🤩清酒好抵做梗買一送一，但得我一個飲唔哂，就揀咗乳酸味汽酒，老公例牌揀無酒精嘅西柚梳打 🌟刺身盛合五款有牡丹蝦、吞拿魚、油甘魚、三文魚同馬糞海膽，每款刺身各有三片，全部都厚切好新鮮，尤其牡丹蝦好大隻厚肉🌟香煎蒜片厚牛，舌厚彈肉汁豐富🌟日本赤雞緊腎炒銀芽，加咗好多黑椒蒜片炒得好惹味🌟味增蟹甲羅燒 ，以鵪鶉蛋、蟹膏、蟹肉鋪滿整個蟹蓋，曬上麵包糠點綴，配上脆多士食，超甘香幼滑🌟波士頓龍蝦活貝浜燒盛合，有波士頓龍蝦、活帆立貝、活文蛤、活北寄貝文蛤鮮甜原汁原味北寄貝以昆布高湯同煮，另一種美味帆立貝分別以清酒同牛油烹調，各有千秋壓軸出場嘅龍蝦🦞龍蝦鉗一拔就可以拎住成個鉗肉食，超好多汁，重點係可以優雅甘享用海鮮😍唔使點郁手龍蝦身以蛋黃醬鋪面燒，出奇地無搶走鮮味，仲令到龍蝦更好味，蝦頭仲好多膏添！🌟蟹肉黃金海膽炒飯 ，蟹肉絲好均勻分佈，量比想像中多，海膽食落都係馬糞海膽，清甜無明礬怪味總結🌸 燒海鮮需時，肚餓嘅記得好似我咁叫吓前菜食住等😆職員會主動會講解每一款食材，好有係酒店食飯feel