Video
Read full review
2022-02-12
79 views
珍惜堂食時間，閒遊將軍澳海濱公園，再試下益新新開副線～望住海景食點心，飲杯帶花香既鐵觀音，入口香濃清爽～人參烏龍味道淳厚甘香，參味濃，餘韻悠長～益新懷舊點心粵菜做得出色，好多款式都可以呢度搵到，價錢亦較大衆化！ 🥢窩貼蝦多士咬落有空氣感，香酥脆口唔油膩，配上雜果沙律醬更滋味！🦪京汁脆皮蠔薄薄既脆皮，肉質細嫩又鮮味，加埋京汁真係停唔到口～🥢蘿蔔絲酥餅千層酥皮賣相誘人，酥鬆可口，內層一絲絲蘿蔔絲，味道清甜。🦐蝦餃 皮薄餡料飽滿，蝦肉爽彈鮮味。蘸上自家制辣椒油，味道更辛香～🥢燒賣大大粒，豬肉鮮味爆汁。蝦肉蟹籽卜卜脆又有咸鮮味。🥢懷舊灌湯餃一籠兩大隻，用上傳統蒸法，有別於湯浸餃，夾起餃皮薄且柔韌。咬開小角輕啜其中肉汁豬皮高湯精華，口感極鮮甜濃郁。裡面仲有好多瑤柱同鮮蟹肉，幾足料！🥢叉燒腸粉腸粉皮晶瑩滑溜有韌性，叉燒新鮮唔暗啞。夾起唔易散，口感軟滑，叉燒肥瘦適中配埋甜豉油，好味！🦑蒜蓉粉絲蒸鮮魷用上新鮮魷魚質感柔滑，加埋鬚爪，食起特別嚼勁。粉絲伴底，連剁碎蒜蓉蒸，魷魚掛汁後好惹味。🦐鮮蝦蘆筍餃餃皮包住鮮蝦餡料，加入青綠蘆筍切粒，外觀感覺fresh脹卜卜，食落純鮮又juicy。🥄鴛鴦焗飯經典鴛鴦紅
望住海景食點心，飲杯帶花香既鐵觀音，入口香濃清爽～
人參烏龍味道淳厚甘香，參味濃，餘韻悠長～
益新懷舊點心粵菜做得出色，好多款式都可以呢度搵到，價錢亦較大衆化！
🥢窩貼蝦多士
咬落有空氣感，香酥脆口唔油膩，配上雜果沙律醬更滋味！
🦪京汁脆皮蠔
薄薄既脆皮，肉質細嫩又鮮味，加埋京汁真係停唔到口～
🥢蘿蔔絲酥餅
千層酥皮賣相誘人，酥鬆可口，內層一絲絲蘿蔔絲，味道清甜。
🦐蝦餃
皮薄餡料飽滿，蝦肉爽彈鮮味。蘸上自家制辣椒油，味道更辛香～
🥢燒賣
大大粒，豬肉鮮味爆汁。蝦肉蟹籽卜卜脆又有咸鮮味。
🥢懷舊灌湯餃
一籠兩大隻，用上傳統蒸法，有別於湯浸餃，夾起餃皮薄且柔韌。
咬開小角輕啜其中肉汁豬皮高湯精華，口感極鮮甜濃郁。裡面仲有好多瑤柱同鮮蟹肉，幾足料！
懷舊灌湯餃
5 views
0 likes
0 comments
🥢叉燒腸粉
腸粉皮晶瑩滑溜有韌性，叉燒新鮮唔暗啞。
夾起唔易散，口感軟滑，叉燒肥瘦適中配埋甜豉油，好味！
🦑蒜蓉粉絲蒸鮮魷
用上新鮮魷魚質感柔滑，加埋鬚爪，食起特別嚼勁。
粉絲伴底，連剁碎蒜蓉蒸，魷魚掛汁後好惹味。
🦐鮮蝦蘆筍餃
餃皮包住鮮蝦餡料，加入青綠蘆筍切粒，外觀感覺fresh脹卜卜，食落純鮮又juicy。
🥄鴛鴦焗飯
經典鴛鴦紅白配，濃厚醬汁焗透飯粒中，兩種截然不同滋味。
一邊甜酸茄香感十足，嫩滑雞肉絲伴隨洋蔥清爽，香極惹味。
另一邊白汁好creamy，啖啖芝士香氣！
🥢馬拉糕
陣陣蛋香随熱力飄升，夾起一角，入口尤其輕盈，彈性柔軟～
🥛脆皮炸鮮奶
金黃香炸外皮，沾上白砂糖，blingbling 效果好吸引。
味道甜甜地，一口咬開脆皮，奶香幼滑！
呢度既位置景觀都好舒服，加上係Pet friendly 餐廳，好多人帶狗狗一齊飲茶打咭😻
Post
