得閒飲茶 (MONTEREY Place)

Open Now

Now Closed

餐廳環境舒服，仲可以望到海，點心款式新穎，推介!!而且有好多款茶款俾大家揀，除咗沖泡茶，仲有冷泡茶，可以揀返自己鍾意嘅茶款，而今次我同朋友就試左〈龍井〉🍵同〈碧螺春〉☕，呢兩款都係出面酒樓少見！〈窩貼蝦多士〉🦐🍞蝦多士炸得香脆，蝦肉又彈牙，仲會有水果沙律，食完會冇咁熱氣。〈焗叉燒包〉🥯叉燒包係用咗菠蘿包皮，酥香味濃，叉燒餡料都足料。〈小籠包〉🥟小籠包熱辣辣蒸起，皮薄而且一咬就爆曬汁，一定要小心焫親。〈鵪鶉蛋松露燒賣〉🥚燒賣好大粒，黑松露味好香。最特別係鵪鶉蛋係包咗喺個燒賣入邊，而且仲要係流心架！〈蟹肉大良炒鮮奶〉🦀🥛蟹肉份量好多，加咗鮮奶令到奶香味超濃，仲有金華火腿蓉、蘑菇、蛋白，令到口感好豐富，食到一半仲可以加少少黑醋解除膩感！〈西檸雞〉🍋🐥每件無骨雞肉都好大塊，雞皮亦都炸到好香口。檸檬汁甜甜酸酸好開胃。