陳儀興飯店 (嘉悅)

Open Now

Now Closed

📍陳綺興飯店係我覺得係將軍澳最好食嘅潮州打冷菜，間唔中都會食，今次出咗老夫子主題菜式又幾可愛，門口仲有老夫子蛋捲、芋泥酥同埋醬買。一入去即刻睇吓老夫子系列嘅新菜式，全部菜都用咗四字詞語改名，又真係幾經典有以前細個睇老夫子漫畫嘅感覺！鹹魚蓉蓮藕煎肉餅($108)煎得熱辣辣，勁有鹹魚香味，配埋蓮藕夠爽口，送飯一流。蜜椒番薯牛柳粒($148)一食就諗起大番薯！又係勁適合送飯，以前食開薯仔牛柳粒多，第一次食番薯牛柳粒原來仲夾，甜甜鹹鹹咁好惹味。百花大腸($118)喺屋企人最愛，墨魚滑釀入大腸，食落夠脆口唔會好肥。另外叫咗個韭菜豬紅($70)勁大碗，豬紅份量足足佔七成又夠滑。