Video
Read full review
2022-08-22
61 views
將軍澳潮州打冷野，只諗起一間就係陳儀興，食物非常大份非常地道同價錢大眾化，o係將軍澳站A2出口右邊過馬路再直行，第一個街口右轉，住宅嘉悅隔離，有格局既裝修，有圓枱同方枱，樓底非常高，當日去到都滿滿地座但唔會好嘈。一入座職員會好細心問要飲咩茶，職員介紹左呢度必食既滷水鵝同蠔餅，真係一定要嗌！超好食!滷水鵝片$158份量非常多，鵝肉嫩，鵝肉中間帶有少少透明根腱腱，滷水味唔算重，反而可以食到鵝肉本身既味道，無得彈！潮州蠔餅$85即炸蠔餅，非常細心，因為有朋友遲到，職員等埋位朋友先上埋蠔餅，蠔餅非常酥脆，仲有粒粒拇指咁大既蠔（出面個d通常只係手指尾咁大），加上係佈滿成個蠔餅既蠔，超級好食！呢度既蠔餅贏晒出面成條(廟)街。老火燉湯$68參鬚烏雞龍眼肉燉湯，有屋企媽鎷用心用時間燉湯的味道，火候料足，有朋友住附近，有時都會就咁外賣一個燉湯，補一補。仲有其他款既燉湯，每日都有得揀，唔怕悶。凍食黃油烏頭 $188選材為非常出名既元朗烏頭魚，有晒招牌認証，之前買過都百幾蚊條，呢度開埋仲有普寧醬都係百幾蚊，很抵食。烏頭魚肉質清甜幼嫩，無泥味，點普寧醬一開始覺得好咸，但越食越滋味，上癮。埋單仲有8折，原來星期
只諗起一間就係陳儀興，
食物非常大份非常地道同價錢大眾化，
o係將軍澳站A2出口右邊過馬路再直行，第一個街口右轉，住宅嘉悅隔離，
有格局既裝修，有圓枱同方枱，樓底非常高，當日去到都滿滿地座但唔會好嘈。
一入座職員會好細心問要飲咩茶，
職員介紹左呢度必食既滷水鵝同蠔餅，真係一定要嗌！超好食!
滷水鵝片$158
份量非常多，鵝肉嫩，鵝肉中間帶有少少透明根腱腱，滷水味唔算重，反而可以食到鵝肉本身既味道，無得彈！
潮州蠔餅$85
即炸蠔餅，非常細心，因為有朋友遲到，職員等埋位朋友先上埋蠔餅，蠔餅非常酥脆，仲有粒粒拇指咁大既蠔（出面個d通常只係手指尾咁大），加上係佈滿成個蠔餅既蠔，超級好食！呢度既蠔餅贏晒出面成條(廟)街。
老火燉湯$68
參鬚烏雞龍眼肉燉湯，有屋企媽鎷用心用時間燉湯的味道，火候料足，有朋友住附近，有時都會就咁外賣一個燉湯，補一補。仲有其他款既燉湯，每日都有得揀，唔怕悶。
凍食黃油烏頭 $188
選材為非常出名既元朗烏頭魚，有晒招牌認証，之前買過都百幾蚊條，呢度開埋仲有普寧醬都係百幾蚊，很抵食。烏頭魚肉質清甜幼嫩，無泥味，點普寧醬一開始覺得好咸，但越食越滋味，上癮。
埋單仲有8折，原來星期一至四9點後宵夜時段有折，驚喜😍下次一定會再黎，有朋友住附近，外賣打冷係屋企打機睇波就啱晒。
Post
