馬祖 (將軍澳廣場) (Closed)

前晚收工同朋友去將軍澳打邊爐🍲 呢到可以一人一鍋，而且可以任食兩個鐘，湯底選擇都好多。我地揀咗藥膳台灣麻辣湯同埋藥膳蕃茄麻辣湯。  美國Prime Grade極上牛頸脊及西班牙伊比利亞黑毛豬放題套餐$298店員會一次過上套餐入面嘅牛肉同豬肉，食完之後可以同店員加單。我同朋友都最鍾意食美國極上牛頸脊，牛頸脊牛味好重，肉質好嫩滑。而另一款牛肩胛肉就厚身少少，冇咁多油花，肉質結實。另外仲有牛腹肉、牛小排等等，索晒麻辣湯汁好惹味。而西班牙伊比利亞黑毛豬都唔錯，薄薄一塊好快就食得。 另外出面仲有好多丸類同菜可以自己夾，呢度嘅丸類都好多款，有啲都幾特別，好似冬陰功蝦丸、爆漿牛丸等等。 飲品櫃都好多選擇，有茶有汽水。雪糕櫃有雪糕、雪條，食到好飽。