鮪世市場 (Closed)

餐廳位置較隱蔽，唔屬於路過行入去食個種，鋪頭好細，只有幾個壽司吧位，一家大細就無咁適合了。食過兩次，兩次都覺得幾好食，算係將軍澳區top3既壽司鋪。講下印象較深刻既食物🍴燒左口魚裙邊壽司夠肥美，做到入口即融既感覺🍴吞拿魚蓉手卷魚蓉量夠，食到尾都仲有🍴燒三文魚壽司又係燒到岩岩好，有滿足感🍴刺身丼份量都幾多，蝦新鮮，飯同餸既比例岩岩好🍴麵豉湯覺得好普通又無咩料🔍總結將軍澳區難得既黃店壽司，要支持下，味道又唔錯，好過食元氣好多。