鮪世市場 (Closed)

呢間鋪頭，鋪仔細細，但非常值得推介玉子做得好好，所以要再encore全部壽司都好新鮮，好高汁拖羅，三文魚都好肥美，正海膽～好甜好正總括黎講，非常值得一試，一試再試

鮪世市場 (將軍澳) （值得推介）將軍澳常寧路2號TKO Gateway東翼地下EF09號舖⭐️⭐️⭐️價錢適中，食物中上，性價比高食物嘅質素令到我覺得有啲返咗日本嘅感覺食材嘅用料新鮮 即叫即整❤️❤️特別係鵝肝壽司，我忍唔住encore左幾次鵝肝油嘅香味 甘香 煎到剛剛好仲有佢嘅三文魚子軍艦， 每一粒都脹卜卜好有咬口不過留意返。。。大食的人 未必夠飽啦~~嗰日三四點食完lunch，七點再食呢一餐每人食咗十幾件壽司就啱啱好啦

早就收藏左呢間今日要經過旺角就專登食返個tea!!!零坐低俾我望到做緊優惠$12 兩件 海膽魷魚軍艦即刻order😎😌再叫多個烏冬，諗諗下耐無食過烏冬自己一向烏冬控黎，拉麵同烏冬我肯定揀後者🙉🙉 呢碗烏冬好入味！唔至湯底岩曬我心意，偏濃！烏冬我曼怕食扁身或者硬身既烏冬！呢隻簡直遇到心中理想型既男仔咁🤤我連湯都飲😚😚😚再點左個特選本鮪盛$125😍😍😍由瘦到肥美，最重要件件都新鮮！我最鐘意係中拖 ，油脂無大拖高大拖一啖爆油，但好鮮美😋 間中食肥啲有咩所謂一啖食落好幸福🥰🥰見單點都好值個價錢，唔貴👌

今日行開坑口行街，估唔到坑口街市裏面原來有咁多嘢食，而且環境都幾乾淨，果然今時唔同往日，而家嘅街市都咁多好嘢食😆👍🏻其中見到一間舖頭，以前同朋友食過一次，今次再嚟食一樣咁高質💗😚🥰仲要係良心小店嚟！😍刺身超級新鮮，絕對對得起佢嘅價錢😋💕師傅解凍嘅質素都一流，食落去唔會有冰鮮味😛我會繼續食㗎，真係有意外嘅驚喜👌🏻👉🏻餐廳：鮪世壽司👉🏻地點：坑口👉🏻評分：9.5/10

之前已經聽到很多朋友說這間餐廳的食物質素很好，就是抽不到時間前來光顧。今天終於有機會來品嚐這間餐廳的食物，但因為店舖座位有限，再加上疫情嚴重的關係，政府實施夜晚禁堂食措施，所有六點後晚市堂食已經被禁。因為如此，今次只能夠選擇外賣與家人品嚐。即使是外賣，食物的質素真的令人有驚喜。食材的品質真的無容置疑，食材新鮮之餘，賣相亦絶不馬虎。如果款式可以再多一些就更加好。令人感到滿足愉快的一餐，一定會再次光顧👍

呢間壽司店整嘅壽司唔錯唔錯，可以望住師傅整幾過癮下鵝肝壽司油香味好正，次次都起碼食兩件，海膽就麻麻，以前好食啲同新鮮啲，三文魚一般，玉子好食，茶都幾好飲，最怕喺等位，不過好彩次次都唔喺等太耐，食完都好滿足，下次會試埋生蠔，睇落幾正咁

去坑口做完野，順便去TKO Gateway揾野食，近街市隔離有個foodcourt,見到有間好细間叫鮪世市場，剛見5:00幾應該過咗落埸時間，見開了閘又開燈，見開始營業時間又冇人等，就入咗去試，高吧枱可容納4~5人。好彩坐低咗，之後好快已經有食客到😄 好快已經坐滿客人。點餐紙都多選擇，點了 芥辣八爪魚軍艦、 火焰左口魚裙邊壽司、 油甘魚壽司、 特大赤海蝦壽司、 藍鰭吞拿魚壽司、 特上海膽軍艦、 葱吞拿魚腩手卷哩間壽司小店有驚喜喎，食材新鮮，刺身好鮮甜同埋有厚度😋海膽超级鮮甜唔會有腥味🤤溫馨提示:留意哩度有落場時間架，座位真係好少，所以多數做外賣，想坐低食就留意吓喇

之前食過外賣 今次終於有機會堂食 因為佢座位唔多 所以要早啲嚟食 如果唔係就有排排隊 食物質素高 而且價錢唔貴 我哋大吃特吃 都只係六百幾蚊。象拔蚌以及赤貝壽司，新鮮爽甜。左口魚裙邊但有少少油份，口感又肥美又爽口。火炙灸左口魚，炙燒之後油脂逼出，甘甜濃郁，入口即溶。藍鰭鯨大吞拿魚腩壽司，我覺得比起其他之前食過嘅更加好食，中吞拿魚腩肥美可口，魚油比例剛剛好，有入口即溶嘅感覺。特大牡丹蝦壽司，上面有些香蔥以及蝦膏，增添整個味道的層次。蝦肉爽口鮮味，大大隻，吃一口10分滿足。

第一次食鮪世市場，因貌次次去到都好多人要排隊，加上店舖座位唔多，所以每次都放棄。今次有住附近既朋友去拎定位，所以終於有機會食到啦~🔶特上海膽壽司 $38：超級鮮甜，唔會有腥臭味，呢個價錢無投訴而且覺得好高質。🔶火炙左口魚裙邊壽司: 魚油豐富，火炙後肉質好軟滑而且有魚香，入口即溶。 🔶左口魚裙邊壽司: 相比肉質會較為爽口，但慢慢嘴嚼就會有左口魚香氣同魚油滲透出來。🔶藍鰭大吞拿魚腩 $48：大拖羅的油脂真係超級豐富，好似入口即溶咁，鮮甜好味好滿足。🔶藍鰭中吞拿魚腩 $35：相比大拖羅油脂會比較少，但依然好豐富，以價錢計我會覺得中拖羅性價比較高。🔶蔥吞拿魚腩軍艦 $24：油脂較少一款，但包住既紫菜香味又令到件壽司另有一番風味。如果鍾意吞拿，佢地一款可以一次過試晒4款吞拿魚的壽司，可以一次過試晒和比較四種油脂部位。🔶特大牡丹蝦壽司 $55: 蝦夠大只, 好有質感, 味好濃郁, 味鮮美.🔶火炙三文魚壽司 $18(2件): 好抵食！三文魚火炙好有油香。 🔶特上三文魚籽軍艦 $24：鹹度岩岩好，有時食三文魚籽會過鹹，呢件唔會。🔶三文魚刺身 $25 (二切)：厚切肥美，呢個價錢無得輸。兩個人食到飽一飽

喺坑口住咗咁耐，一直都有一間餐廳好想試但係未試，因為餐廳只有幾個座位，每一次都大排長龍，今次終於有機會可以試到一間鮪世市場，結果真係唔令到我失望，嚟緊都要黎食多啲啦🤗🤗餐廳裝修已經好有和風師傅喺吧枱入面精心製造每一件壽司，好讓每一位食客都有omakase既體驗先來一個鰻魚手卷$28，鰻魚份量唔少，品質算係比較高級既鰻魚，上面撒左d芝麻增添風味，抵讚！特選本鮪壽司盛 $125呢款係吞拿魚愛好者必點，125蚊既價錢就食到四款，師傅建議先食油脂感高既大拖，再由上而下咁食，當中我最滿意嘅就係油脂爆發嘅大拖，真係每次都唔會令我失望！食完壽司就要食下啲刺身，今次我哋識咗呢個磯煮鮑魚同中本鮪魚腩刺身，磯煮鮑魚好淋好入味，以$38呢個價錢真係冇得挑剔，中拖同岩先既大拖無咁豐富既油脂感，換黎既係入口即溶而魚味濃郁，係十分推薦既必點刺身火炙鵝肝壽司$38一個字，正，好耐都未食過咁濃郁既鵝肝，但食完真係好飽🤣

TKO gateway最近愈開愈多餐廳~而且間間都有好多人流🤤行到最入有一間隱世壽司店，座位唔算多，但每個位都可以望住師傅整壽司🍣-我覺得壽司嘅種類唔多又唔算少，反而可以更專注整好每一款壽司🍣🤤-1.特選本鮪壽司盛 $125一共有4件，由右至左，係分別由比較瘦至比較肥😋值得一讚喺呢度嘅壽司飯握得好好，唔會太實又唔會太散，夾起都唔會散👍吞拿魚蓉入口即溶，大本鮪魚腩好肥美😆-2.火炙三文魚腩壽司$18、火炙左口魚裙邊壽司$13、火炙帆立貝壽司$18、特上海膽軍艦$38火炙系列燒得啱啱好😋有少少嘅焦香，又唔會令魚生太熟❤️三文腩比到驚喜，魚油好重💕海膽好大舊，幾鮮甜，冇怪味🤤-3.磯煮鮑魚刺身$38、藍鰭中吞拿魚腩刺身 $72磯煮鮑魚好淋，用醬汁及昆布慢火去炆，令到鮑魚嘅肉質即可以保持鮮嫩彈牙，又可以食到濃郁的湯汁👍藍鰭中吞拿魚腩，相對上冇咁肥，唔會覺得好漏😉-4.火炙鵝肝壽司 $38呢個真心好食❤️火炙完嘅鵝肝流哂油🤤好香口，而且比想像中大舊💕-5.海膽手卷 $48手卷由頭食到尾都有海膽👍唔會食到底得翻啲飯😆紫菜好脆😋-6.波子汽水 $18係童年回憶❤️估唔到波子汽水同壽司又幾match😋

對小店另眼相看, 雖然位於商場的美食街,店舖小小, 但刺身及壽司相當有質素, 提供了點心紙落單,我同朋友先落了刺身系列, 帆立貝刺身厚切好鮮甜 $36, 北寄貝刺身$18彈牙, 磯煮鮑魚$36,醃了醬油夠入味 ; 三文魚同樣好厚身$25、油甘魚$35和特大赤海蝦$30。壽司系列叫了火炙左口魚裙邊壽司$26, 夠大塊, 特上三文魚籽軍艦$48，粒粒晶灼塋剔透超鮮甜；火炙三文魚$18, 魚油味香; 汁燒海鰻$26和蟹膏軍艦$48另外唔夠喉, 再叫了個高級菜色, 本鮪盛$250 , 包了大拖羅、中拖羅、赤身和拖羅蓉軍艦，拖羅既味道真係好香濃魚油香味，肉質好滑, 真係超正。店員服務也很好, 不時加茶。

鮪世市場位於TKOGateway 美食街，裝修日系簡約，有個L型吧枱，見餐牌價錢都好相宜，先叫刺身，有磯煮鮑魚$36, 帆立貝$36夠鮮甜、三文魚$25、油甘魚$35、特大赤海蝦$30和北寄貝$18，件件都好新鮮，鮮甜，彈牙。本鮪盛$250 相信係招牌菜色，有大拖羅、中拖羅、赤身和拖羅蓉軍艦，呢碟係拖羅控必食，我喜愛大拖羅，好滑，魚脂旺盛，入口即溶，一大享受。壽司叫了汁燒海鰻$26，醬油將海鰻鮮味提昇。火炙三文魚$18; 火炙左口魚$26，係我至愛，火炙過迫左啲魚油出來更香；特上三文魚籽軍艦$48，超鮮甜； 蟹膏軍艦$48，蟹膏味濃郁。

最近去將軍澳睇樓, 感覺這區環境不錯, 近地鐵站又有大商場.  女友也喜歡, 找到合適單位,  我會搬來住了.   行到差不多晚餐時間, 在商場見到 鮪世市場,  大家立即想食日本野.細看門外餐牌, 有我們喜歡的壽司, 價錢吾貴.店員招呼有禮,  先送上熱熱的日本玄米茶, 入口清香.女友點了多款壽司,  等候時間, 吃些酸薑開開胃,  再準備醬油加少許 Wasabi.壽司七款好整齊的送上.三文魚壽司:  第一口食三文魚壽司, 因為這款最普通,  入口肉質鮮甜, 口感不錯火炙左口裙邊壽司:    肉質綿滑, 魚油豐富, 火炙後有份魚香氣. 油份較高,  入口魚油滿溢. 油甘魚腩壽司:   顏色亮麗, 質感綿滑, 細膩, 每一口都洋溢濃郁的鮮味.火炙三文魚壽司:   師傅將三文魚輕輕燒過, 帶出魚油香味. 汁燒海鰻壽司:   火槍燒炙後, 把魚油逼出更美味, 魚味鮮濃, 越食越愛.赤貝壽司:   實在新鮮, 肉質爽口, 味道天然鮮甜, 爽脆彈滑.輪到我點刺身, 共 六款, 帆立貝:    厚肉, 不只鮮甜, 食完更有黏口的感覺.赤海蝦刺身:    蝦夠大只, 好有質感, 味好濃郁, 味鮮美

今日同男朋友去左屋左樓下食飯，因為早排買餸經過見到有間日本壽司店，好多人排隊幫襯！我地又好想試下，今日收工特登約埋去試下餐廳既水準7:00到餐廳都已經要排隊，menu選擇多，價錢仲好抵食啊！我地叫左幾款壽司試下先超推介大拖羅魚腩壽司餐廳用左日本直送鮪魚，來貨有保證，而且質素真喺好驚喜！入口魚油豐富，魚味非常濃郁，甘甜油脂香而不膩！三文魚腩同樣突出，肥美魚肉入口非常消足！蟹膏軍艦是我覺得驚喜的壽司之一，濃香蟹膏咸香鮮甜，濃郁蟹味噌完全唔會太咸！三文魚籽鮮甜新鮮！我地一定會再回頭！