馬祖 (將軍澳廣場) (Closed)

前排去將軍澳行街，見到間主打台式藥膳養生火鍋嘅餐廳幾吸引，幾鐘意餐廳安排每個客人自己都有一個爐，可以簡自己鐘意食嘅湯底。 👍我同朋友就簡咗個極上牛頸脊及伊比利亞黑毛豬套餐，而湯底就各簡咗椰子清雞湯🐥同花雕清雞湯🐥。椰子清雞湯味道清甜，聞落仲有好大陣椰子味，而花雕清雞湯味道香濃，酒同藥膳嘅味道好夾; 兩個湯嘅配料亦都好養生，有杞子、紅棗。 👍套餐入面牛肉🐮同豬肉🐷嘅質素亦都唔錯，睇得出肉質新鮮，肥瘦亦都岩岩好，個人比較鐘意食黑毛豬片，就算淥耐咗，肉質依然好嫩滑。 👍👍除咗套餐包嘅牛肉同豬肉之外，仲可以去配料區拎魚柳、沙茶牛肉同鮮雞肉，丸類亦都有好多唔同款式，個人推介蘑菇芝心堡丸🍔，味道同食芝士漢堡嘅味道差唔多，仲有芝士拉絲嘅效果。👍👍值得一讚嘅係配料refill得好快，種類亦都好多，特別係雪糕，當晚有成十一款嘅雪糕可以簡，當中最推介嘅係柚子乳酪🍨同豆腐雪葩🍨，柚子乳酪味道好fresh ，好開胃，而豆腐雪葩食落有好濃嘅豆腐味，好似食緊豆腐花咁。