吞POT 雞煲火鍋.住家菜 (Closed)

今日去開旺角開工，碰啱又有朋友生日，就主張約係旺角開餐喇！今日係今年第一個寒冷天氣警告，咁就梗係打邊爐喇。上網揾到呢間，決定勇闖一試。叫左個醉雞鍋。侍應攞埋黎之前，已經老遠聞到藥膳既味道了。打開個蓋睇下，都幾足料家喎，黨參，淮山，杞子，桂圓肉，紅棗，應該有的料都有，所以真係好香，隻雞實在係太滑了，Ｄ朋友好快就食哂我想食多舊都冇。仲要一讚既係鮮蝦雲吞同埋墨魚滑。鮮蝦雲吞入面有好多蝦，十分爽口彈牙，而且用醉雞湯底碌過之後好有藥膳的味道，好正。大大粒，皮薄涵多。墨魚滑就更加好味，面頭有蟹子俾埋你，識食既就記得要將蟹子掃云佢，然後唔好放咁大舊。食落去真係好彈牙，入面有熟左既蟹子令到個墨魚滑有多Ｄ口感，好味道。