甜記餃子

Open Now

Now Closed

今日等左近一個鐘先有位食，嗌左單併 韮菜豬肉餃(10隻) 配蕃茄薯仔湯 同埋 雙併 白菜豬肉餃（5隻）+ 洋蔥牛肉餃 （5隻）配雞湯湯底方面，雞湯冇乜味，蕃茄薯仔湯好食好多。餃子方面，今日試左三隻餃，白菜豬肉餃入面既白菜切得比較大塊，白菜同豬肉比例唔太平均，食落口好似成棵白菜放入口咁。洋蔥牛肉餃入面既洋蔥粗幼大小都係不均，菜既切功其實都幾影響餃子入口既口感同味道，印象中長沙灣店好似冇呢個問題，希望可以改善。韮菜豬肉餃就依然出色，balance得好好，可能韮菜比起白菜同洋蔥比較易切，對刀功冇乜要求。$50以下就食到自家制餃子，餃子皮厚薄適中，蕃茄湯又正，好有家既感覺，確實唔錯，如果唔洗等太耐會多d黎食。