粗菜館

Open Now

Now Closed

收工同友人相約在九龍城食晚飯，決定黎到呢間蔡瀾都讚嘅粗菜館食下小炒。要讚一讚廚房出菜真係好快！叫左不足15分鐘就已上齊菜。薑蔥炒牛肉 $78呢道小菜最夠鑊氣、份量亦算多。山渣醬排骨 $88望落就似生炒骨/咕嚕肉， 但食落有山渣嘅香甜，更解膩！豬油撈飯 $18 唔係成日會見到，就叫左碗兩份share,豬油會隨白飯奉上，中意加幾多自己選擇，要幾邪惡有幾邪惡。豉油皇鵝腸$88可揀白灼/豉椒/豉油，鵝腸質感爽滑，用豉油炒得夠入味，仲有大量爽口芽菜、金菇墊底。