天外天海鮮大排檔 (Closed)

我諗自從2019年之後，好多香港人嘅生活飲食習慣都改變左。而家大家都偏向買外賣返屋企食。今日嘅午餐亦都係以外賣來解決。住左大埔咁多年，都時不時聽到天外天呢個名，今日第一次嚟幫襯佢嘅午餐。白切雞飯，白切雞係普通嘅白切雞。雖然係普通但係佢都有雞嘅香味。而我最鍾意嘅就係佢有配到菜，因為而家人大咗除咗食肉之後，食菜亦都好緊要。另外點左個豬肉飯，豬肉比較肥，而且大量醬汁痴咗喺豬肉上面，感覺上就冇咁健康。但整體來講味道都唔錯嘅。