天外天海鮮大排檔 (Closed)

近期打牌，都叫過幾間大埔的外賣，這天想起可以試這間天外天。想不到，現場食都冇咁正，放了一兩日，再番熱，可能因為微波爐威力強勁，翻熱之後香噴噴亦都熱到出晒煙，味道更加好。客家炆腩肉，那些腩肉的確是大大嚿四方形像東坡肉一般，豬皮亦都不太找到毛，肉夠彈，相當美好。蓮藕餅，大大塊，有沒有魚肉在內，除了少許肉，蓮藕粒令到口感大大提升，炸過之後都不覺得太過油膩。京都肉排我反而沒有試；另外的茄子魚柳，其實是挺奇怪的組合，不過茄子我沒有吃，另外的魚柳亦都大大件，啖啖肉那種魚柳，通常有人會說這種魚柳比較低價，不過起碼我這種不懂「略」骨的人就最為喜愛。

我諗自從2019年之後，好多香港人嘅生活飲食習慣都改變左。而家大家都偏向買外賣返屋企食。今日嘅午餐亦都係以外賣來解決。住左大埔咁多年，都時不時聽到天外天呢個名，今日第一次嚟幫襯佢嘅午餐。白切雞飯，白切雞係普通嘅白切雞。雖然係普通但係佢都有雞嘅香味。而我最鍾意嘅就係佢有配到菜，因為而家人大咗除咗食肉之後，食菜亦都好緊要。另外點左個豬肉飯，豬肉比較肥，而且大量醬汁痴咗喺豬肉上面，感覺上就冇咁健康。但整體來講味道都唔錯嘅。