桃園制作粥麵餐廳 (Kai Tin Shopping Centre) (Closed)

兩公婆放假係附近食晚餐，求其入左黎食，估吾到佢平靚正。叫左豬手，口水雞，燉湯，西炒骨。首先豬手燜得好入味同滑，用黎陪飯真係冇得頂！口水雞，見到賣相都覺得正啦，辣辣地，愈食愈上隱甘。燉湯幾甜，當然預左有味精，不過好好飲。西炒骨都好食，略嫌甜左d，不過純個人喜好，我比較愛酸d。另外，佢提供既飯有藜麥，幾健康，又有咬口。仲有一點要讚，佢上菜好快手，侍應都好nice。最後。環境夠大，10幾人一桌都冇問題！