谷媽媽小店

Open Now

Now Closed

我的好友為我預備的生日飯～ 當天天氣又凍又濕，故餐廰裡只有小貓兩三隻。晚上8點到，隨即叫東西。叫了好多東東吃﹣ 燻黃金蛋， 溏心皮蛋鮭魚鬆豆腐, 蕃茄豬肉水餃, 谷媽沙律, 台式香腸, 糖醋魚，雞煨麵. 擔擔麵。基本上，正常飯一頓，要講特別既， 都有兩三樣。個燻黃金蛋， 好香，好滋味，洒上去既粉看似多， 但食落同隻蛋又夾得好好。暖暖地既流心蛋加上帶點糊椒既燻味， 一流～ 之後要數既係溏心皮蛋鮭魚鬆豆腐， 唔係好滑但有豆味， D汁個味好特別，仲有皮蛋伴碟，加埋一齊即刻唔同SAI。最後要講就係雞煨麵, 湯清得黎甜，食落D麵就一路繼續想食～埋單每位103，都OK既，可以一試。