港口味冰室 (Closed)

同朋友黎到食餐便飯，每日都有叫餸套餐跟飯例湯。叫左個白菜仔炒牛肉（菜好新鮮炒得好好食，一d都唔老，牛肉份量好多D菜都炒到好好食，唔會過火)豆豉蒸倉魚(等左一陣，真係即叫即蒸，魚好新鮮魚肉好滑平時好少出街食蒸魚，覺得好易蒸老同鞋哂，但都係比好多枱客食緊蒸魚吸引住，魚同豆豉咸香送飯一流）兩個餸要左一個飯，另外每個餸可加$28由例湯轉燉湯，見到虫草花燉雞湯即刻加左兩個，黎到有d O哂咀以燉湯黎講真係好大碗好抵飲，而且仲好足料最後仲叫左個例牌海南雞飯，個油飯好大碗，飯好硬身，而且無乜油香，d雞既皮好肥肉較少。推介樽裝奶茶，夠凍夠香滑，係甜左少少。真心推介住附近同收工既人黎食晚飯，又方便又抵又好食。下次會晏就再黎試下佢d多士同紅豆奶茶。