Video
Read full review
2016-09-20
530 views
早前同朋友係銅鑼灣行街，不知不覺間已經九點幾鐘，於是我地就去左食日式放題，因為時間較夜的關係所以仲有折扣，真係好扺食。 入到黎一坐低之後，當然急不及待要出去環視一下有咩食啦。 有各款冷盤小食，中華沙律，螺肉，泰式鳳爪，八爪魚等一定不能少啦。 仲有西式沙律吧任你配搭 連西式的香腸，炸薯件同葡塔仔都有 仲有多款甜品，雪榚同飲品可以選擇。 仲有彩色繽紛的馬卡龍任食。 巡視完一圈後，先黎拎個日式冷盤先。中華沙律都爽口，八爪魚好大隻淡淡肉，螺肉同帆立貝裙邊都彈牙。整體質數都ok, 但如果可以keep住冰鎮，食落冰冰涼涼就更好啦。 跟住當然不可缺少刺身啦。三文魚，北寄貝，北海道帶子同珍寶赤蝦係我的至愛。三文魚同帶子都切得厚度適中，肥美得黎唔會太膩。北寄貝都幾厚身同彈牙鮮味。而赤蝦話明係珍寶，所以都有返咁大隻，有我手指公咁粗身，食落有少少棉同膠的肥美口感，味道都幾鮮甜！ 第二到冇食過的榴槤炸彈。外面皮香脆，而裡面咬開就係半滿的榴槤蓉，真係非常香非常Creamy. 串燒雞軟骨，海蝦，同醬燒鰻魚。雞軟骨乾得黎不會過硬過鹹，海蝦彈牙。而醬燒鰻魚平時係出面都似好少放題可以只係
入到黎一坐低之後，當然急不及待要出去環視一下有咩食啦。
有各款冷盤小食，中華沙律，螺肉，泰式鳳爪，八爪魚等一定不能少啦。
仲有西式沙律吧任你配搭
連西式的香腸，炸薯件同葡塔仔都有
仲有多款甜品，雪榚同飲品可以選擇。
仲有彩色繽紛的馬卡龍任食。
巡視完一圈後，先黎拎個日式冷盤先。中華沙律都爽口，八爪魚好大隻淡淡肉，螺肉同帆立貝裙邊都彈牙。整體質數都ok, 但如果可以keep住冰鎮，食落冰冰涼涼就更好啦。
跟住當然不可缺少刺身啦。三文魚，北寄貝，北海道帶子同珍寶赤蝦係我的至愛。三文魚同帶子都切得厚度適中，肥美得黎唔會太膩。北寄貝都幾厚身同彈牙鮮味。而赤蝦話明係珍寶，所以都有返咁大隻，有我手指公咁粗身，食落有少少棉同膠的肥美口感，味道都幾鮮甜！
第二到冇食過的榴槤炸彈。外面皮香脆，而裡面咬開就係半滿的榴槤蓉，真係非常香非常Creamy.
串燒雞軟骨，海蝦，同醬燒鰻魚。雞軟骨乾得黎不會過硬過鹹，海蝦彈牙。而醬燒鰻魚平時係出面都似好少放題可以只係點鰻魚黎食，通常都係鰻魚飯或壽司。雖然同平時食開的味道沒有太大分別，不過勝在可以單點鰻魚任食。而肉質都幾軟稔。
香蒜牛油帆立貝，好香牛油味而醬汁亦好夠味。帆立貝都幾大粒，而且彈牙。
多款天婦羅新鮮即炸。首推南瓜，外脆而裡面的肉好軟稔好甜。
少有的咖哩炒肉蟹 同 醬炒海蝦肉蟹雖然細細隻，但都幾多肉，而咖哩汁偏甜同重椰汁味。炒海蝦大大隻，醬汁好惹味，令人回味。
細細件的壽司一件一啖，絕對唔會怕飽肚。
雪花牛肉鍋牛肉都有好幾块，不太多肥肉。仲有滑嘟嘟的豆腐。湯清清地甜甜地。
一品菜膽雲吞原來係鮮蝦雲吞，而且都幾大粒。仲食到大大舊的爽口蝦肉。
最後黎一個最愛的自製乳酸味雪糕，完美的ending!
Post
