禾牛薈火煱館 (金馬倫道)

Open Now

Now Closed

上個禮拜晚又去咗尖沙嘴食飯，呢次去咗食火鍋火鍋館位置係金馬倫道見到隻得意牛牛, 就到達目的地坐低咗就先睇有乜推介嘢食先點小食酥炸蜆蚧鯪魚球，鯪魚面炸得非常香脆，入口魚肉彈牙又夠鮮。再來係刺身拼盤，我哋有人唔食魚生，所以叫了一份小的有帶子爽口又大粒，海膽甘香又滑溜，三文魚肉質肥美又厚身，油甘魚肉質鮮嫩又夠鮮食完前奏，就到火鍋出場湯底係菜干豬肺湯，未食先飲番啖湯再食件豬肺補一補到火鍋配料分別有自家餃子，餃子 餡料豐滿又大件西班牙橡果黒毛豬片，豬片脂肪分佈一横橫相當雪白，放入鍋一陣就已經可以食,至於肉質幼滑細嫩好有肉味養顏花膠筒，花膠肉質嫩滑鮮甜，梗係要食多D養顔松葉蟹皇包，先咬一啖已聞香濃蟹味，入口蟹皇滑嘟嘟好鮮味，真係想再食多幾粒台灣鴨紅，未食前以為同豬紅一樣味道，一食就知原來好食過豬紅好多，鴨紅入口滑溜彈牙好入味，真係停唔到口食到咁上下梗係點番個雜菜籃中和一下不經不覺又食完一餐火鍋