滾得囍宮廷火鍋小炒 (Renamed) View

🔎北角馬寶道33號馬寶學林1樓116-125號舖*「宮廷火鍋富有中國特式」📍滾得囍宮廷火鍋小炒.順治特式卜卜蜆鍋($188)嚟之前係openrice見到佢有卜卜蜆已經好心動，因為自己平日煮餸都鍾意有蜆，而且非常鮮甜，量都算多！推介大家可以試呢個，但如果體質比較濕就唔好，因為都幾涼下嫁。半熟牛肋片($68)脂肪唔算多，份量都唔算好多。但半熟嘅口感都幾唔錯！加上湯底夠哂甜，荃本上唔駛加醬料都好夠味。羊肉片($68)唔覺得羶味，份量一般，但可能因為湯底甜。而且佢絕對係火鍋不二之選。花雕雞件($68)用花雕浸過嘅雞食落都有浸浸酒味，而且份量都多，雞件唔太多肥膏，覺得價錢嚟講算相宜。菠菜豬肉丸($88)墨汁墨魚丸($98)每款都各有8粒，不過自己比較鍾意係個菠菜豬肉丸，因為覺得口感勁D，同埋有想再食嘅感覺。反而墨魚丸真係好一般。其他配菜唐生菜($34)厚切午餐肉($45)芝士腸($32)日本蟹柳($38)其他配菜，都唔算話好特別。午餐肉雖然真係好厚，但我落完鍋內撈起食覺得唔夠lum身，我自己唔太鍾意硬身。日本蟹柳都幾好味，但唔好滾得太耐，好易散