Video
Read full review
2017-11-29
519 views
同朋友專登山長水遠嚟呢度食火鍋，無非都係想感受一吓宮廷氣派! 當然先從環境著眼，由門口走入去，好似由現代返回古代咁。裝修古色古香，絕對走中國風。全部清一色木椅，中間以雕刻木簾相隔。敬備熱水都係用中式茶壺，好特色。叫左【泰皇海鮮冬陰公湯鍋$298】以龍頭鍋上枱，好有氣勢!! 個湯底味道幾濃，但未有鮮味。因為仲附有一碟海鮮，加埋落去，鮮味先會出。個湯底連一碟海鮮先係$298，而海鮮拼盤多左蟶子同鮑魚，少左一隻蟹，就要$368，感覺【泰皇海鮮冬陰公湯鍋】好似抵啲喎!扇貝都好大隻，新鮮鮮甜。蟹鮮味都幾出，可惜蟹膏唔算多。蟹殼夠軟，易食。蜆肉就有啲細，同埋有少少沙。【滾手切牛肉宮廷拼盤$488】一嚟係有乾冰，出晒煙，好高級FEEL架。 拼盤有三款牛，左邊油脂較為豐富係手切頂級安格斯牛肉，右邊係本地手切牛肉，兩款都係起雙飛切法，仲排到密麻麻。我就鍾意手切頂級安格斯牛肉多啲，牛味出啲，嫩滑啲。本地手切牛肉就肉質結實啲，牛味一般。最正梗係中間一卷卷呢啲，係手切澳洲M8和牛，梗係冇得輸，不過數量就唔多，好珍貴。【鹿兒島日本黑豚肉$88】又係出晒煙，梗係要勁影相呃LIKE。掛起一片片，係靚嘅!好肥美又大
裝修古色古香，絕對走中國風。全部清一色木椅，中間以雕刻木簾相隔。
敬備熱水都係用中式茶壺，好特色。
叫左【泰皇海鮮冬陰公湯鍋$298】以龍頭鍋上枱，好有氣勢!! 個湯底味道幾濃，但未有鮮味。
因為仲附有一碟海鮮，加埋落去，鮮味先會出。
個湯底連一碟海鮮先係$298，而海鮮拼盤多左蟶子同鮑魚，少左一隻蟹，就要$368，感覺【泰皇海鮮冬陰公湯鍋】好似抵啲喎!
扇貝都好大隻，新鮮鮮甜。
蟹鮮味都幾出，可惜蟹膏唔算多。蟹殼夠軟，易食。
蜆肉就有啲細，同埋有少少沙。
【滾手切牛肉宮廷拼盤$488】一嚟係有乾冰，出晒煙，好高級FEEL架。 拼盤有三款牛，左邊油脂較為豐富係手切頂級安格斯牛肉，右邊係本地手切牛肉，兩款都係起雙飛切法，仲排到密麻麻。我就鍾意手切頂級安格斯牛肉多啲，牛味出啲，嫩滑啲。本地手切牛肉就肉質結實啲，牛味一般。
最正梗係中間一卷卷呢啲，係手切澳洲M8和牛，梗係冇得輸，不過數量就唔多，好珍貴。
【鹿兒島日本黑豚肉$88】又係出晒煙，梗係要勁影相呃LIKE。掛起一片片，係靚嘅!
好肥美又大件!
【手打芝心牛肉丸（八粒）$78】牛味好濃，好彈牙，入面仲有流心芝士，勁正!
【瑤柱乾貝滑$68】好抵食，因為真係好大份。仲有超多一絲絲瑤柱絲，鮮味足料!
【酸梅湯一渣$38】夠冰凍，酸梅味幾濃，酸酸甜甜夠開胃，解油膩感。
【宮廷醬芥$20/位】調味配料選擇只有四款，唔算多。另外有碟花生，夠香脆。
呢度環境靚，有宮廷氣派，餐具都係青花瓷器，感覺好高大上。店員有禮貌，服務周到! 有機會要帶埋家中長老們嚟食，中國FEEL，啱晒佢哋~~
Post
