滾得囍宮廷火鍋小炒

Open Now

Now Closed

今日同屋企人去咗北角，已經覺得有少少唔同左，附近開始起晒高樓大廈，聽講仲有啲單位係四萬蚊一呎。我哋去咗北角地鐵站附近一個商場，裏邊有一間食火鍋小炒嘅餐廳。一入到去我已經覺得佢嘅格調好高檔，每一班打邊爐嘅人都有卡位坐，我哋四個人錯左係一個屏風旁邊，有一張點嘢食嘅菜單我哋開始慢慢揀款式都幾多前後有兩頁，仲好大張，仲有份聖旨添。我哋面前仲有幾份配料，包括青瓜酸菜、花生同埋腐皮條。全部酸酸辣辣，調一調味，零舍開胃，好少何現在打邊爐前可以食到呢啲前菜。朋友忍唔住已經叫咗支啤酒，都好夠冰凍。之後我哋個火鍋叫咗椰子雞鍋，呢度嘅椰子雞同其他店的好唔同，首先淨係個賣相已經夠晒吸引，裏面啲椰子肉批成一條條，堆成一個塔咁樣，而且仲有椰青原隻上，啲椰汁倒晒落去夠晒清甜，忍唔住飲咗幾啖剩返低嘅椰汁，好清涼呢。我哋仲叫咗好多唔同形式唔款式的配料，有烏冬、唔同餡料嘅水餃、海鮮拼盤同埋呢度比較有特色嘅鹹蛋炸響鈴。全部都好好食呀，尤其個炸響鈴好大件！但係放入水裏便唔夠4秒鐘，就已經可以食得啦。金黃色嘅外表，配上一粒粒的鹹蛋黃醉，增加口感，浸入清涼嘅椰子水，好特別呢。