Video
Read full review
2020-10-18
70 views
打邊爐，一向係香港人最愛嘅活動之一，而且普遍港式邊爐就係要食得夠「地」，我當然相當認同。不過偶爾都想像邊爐其實都可以打得「型格」，相約住北角嘅朋友，佢誠意推介我呢間滾得囍！店面好特別，餐廳裝潢古色古香，在接待位置放咗一張金黃色嘅「龍椅」，相當搶眼！等嘅時候可以打打卡，試下做幾份鐘皇上 LOL。單看餐廳名大概都估到餐廳以宮廷式火鍋為賣點，整個配置都好有宮廷色彩，值得加分！食物方面，朋友衝著椰子藏雞濃湯鍋而來，果然不負佢嘅期望，從賣相到味道我都俾90份！藏雞用豆皮包住，待水滾後店員再弄破豆皮讓藏雞與當中嘅配料與湯底混和，稍為再滾一回就可以食到鮮嫩而有著椰子清香嘅雞肉！再飲返啖清甜又滋潤嘅椰子雞湯，滿足！另一個推介嘅配料係佢嘅牛肉宮庭拼盤，拼盤包括日本和牛、韓牛、美國A5和牛同埋本地牛，一次過試晒4款甜有千秋嘅牛肉，正！個人認為論油脂分佈同味道最濃嘅係日本牛，其次係本地牛跑出，美國代表就牛味濃但油份較少，而韓牛則有啲騷味。此外，亦叫了鹹蛋黃烤魚皮，即叫即整相當脆口惹味，加上鹹蛋黃呢個不敗嘅配搭愈食愈滋味！總括而言用餐環境好舒服，加上所有食材同湯底都幾真材實料，值得再約朋友嚟試下其他湯底！
打邊爐，一向係香港人最愛嘅活動之一，而且普遍港式邊爐就係要食得夠「地」，我當然相當認同。不過偶爾都想像邊爐其實都可以打得「型格」，相約住北角嘅朋友，佢誠意推介我呢間滾得囍！
店面好特別，餐廳裝潢古色古香，在接待位置放咗一張金黃色嘅「龍椅」，相當搶眼！等嘅時候可以打打卡，試下做幾份鐘皇上 LOL。單看餐廳名大概都估到餐廳以宮廷式火鍋為賣點，整個配置都好有宮廷色彩，值得加分！
食物方面，朋友衝著椰子藏雞濃湯鍋而來，果然不負佢嘅期望，從賣相到味道我都俾90份！藏雞用豆皮包住，待水滾後店員再弄破豆皮讓藏雞與當中嘅配料與湯底混和，稍為再滾一回就可以食到鮮嫩而有著椰子清香嘅雞肉！再飲返啖清甜又滋潤嘅椰子雞湯，滿足！
另一個推介嘅配料係佢嘅牛肉宮庭拼盤，拼盤包括日本和牛、韓牛、美國A5和牛同埋本地牛，一次過試晒4款甜有千秋嘅牛肉，正！個人認為論油脂分佈同味道最濃嘅係日本牛，其次係本地牛跑出，美國代表就牛味濃但油份較少，而韓牛則有啲騷味。
此外，亦叫了鹹蛋黃烤魚皮，即叫即整相當脆口惹味，加上鹹蛋黃呢個不敗嘅配搭愈食愈滋味！
總括而言用餐環境好舒服，加上所有食材同湯底都幾真材實料，值得再約朋友嚟試下其他湯底！
Post
