滾得囍宮廷火鍋小炒 (Renamed) View

💡宮廷主題火鍋店不過依間以宮廷為主題嘅火鍋店，除咗可以着宮廷嘅服飾扮皇帝打卡，嘢食都非常足料夠氣派。🍽️火鍋湯底有四款選擇，全部都好吸引，包括花膠雞、鳳梨冬陰功湯鍋、四川茶皇麻辣鴨血湯鍋同埋椰子藏雞湯鍋。今次選擇咗花膠雞鍋，店員送上兩塊成隻前臂禁長嘅花膠，超級足料，雞肉又嫩滑，飲咗個湯底先開始打邊爐十分滿足。🍽️ 手切本地牛頸脊一上枱出晒煙非常夠氣派，牛肉口感細軟，肉質帶彈性，仲有濃郁的牛肉味。🍽️黃金雙拼(炸響鈴及炸魚皮)呢個真係嚟呢間餐廳必試之選！一上枱已經傳黎非常香既鹹蛋黃味，響鈴同魚皮都炸得非常鬆脆，面頭覆蓋住一層厚厚嘅鹹蛋黃，超邪惡，但食落又唔會太膩。🍽️ 滾得囍宮廷餃子拼盤餃子拼盤共有五款口味，餃子皮薄透，餡料豐富。最好食係馬蹄冬菇豬肉餃同菜苗帶子餃，比較特別嘅有芋泥豬肉餃。🍽️手打黑松露惹菌鮮蝦丸非常濃郁嘅黑松露香味，加上蝦丸打到起晒膠，非常彈牙。🍽️ 滾得囍豐盛雜菜拼盤雜菜拼盤色彩鮮豔，有蕃茄、雲耳、蓮藕、油麥菜、菜心、粟米等。