Video
Read full review
2018-07-22
173 views
啱啱過完大海，喺上環信德碼頭落船，同屋企人諗住普普通通搵間酒樓食下飯。見到酒樓門口個牌寫住二十週年誌慶，好多餸菜都有優惠 ，仲要有188蚊嘅原盅佛跳牆， 真係一啲都唔普通！坐低之後，見到啲杯杯碟碟都好靚，有曬花紋，好似宮廷嘅感覺。仲要食埋宮廷菜 - 佛跳牆， 仲唔係皇室的享受。仲有好多款菜色都想揀，而且都好抵食 第一碟餐前小食係五香牛，每塊切得大小適中，厚薄均勻，牛滷得相當入味。主打佛跳牆出場啦，一打開個蓋已經迫晒啲香味出黎，材料豐富，有鮑魚、花膠、雞腳、乾瑤柱、冬菇、遼參等等，湯頭清甜，令人想一嚐再嚐。跟佛跳牆餐送叉燒煎蛋飯，唔好以為普通嘅「佬飯」，其實一啲都唔普通，啲叉燒肥美肉嫩，係谷飼豚肉，而且一塊過，之前蘇施黃都有介紹過嘅「等你哋自拿碗碟來外賣$20叉燒飯」，就係呢個啦！秘製銅盆雞： 相信唔係咁多地方有得食， 所以喺餐牌見到，難得梗係要試一試，上碟前先要用個爐熱一熱去先，再用錫紙包住，上檯嘅時候先至打開錫紙，可以完全保留住雞嘅香味同埋醬汁味道喺銅盆之中，雞肉鮮嫩滑溜，加上有乾蔥蒜片等材料，令雞件更加香噴噴。甜品方面，我哋叫咗個鮮忌廉香芒卷，外面係芒果糯米糍嘅質地，上面有椰
啱啱過完大海，喺上環信德碼頭落船，同屋企人諗住普普通通搵間酒樓食下飯。
見到酒樓門口個牌寫住二十週年誌慶，好多餸菜都有優惠 ，仲要有188蚊嘅原盅佛跳牆， 真係一啲都唔普通！
坐低之後，見到啲杯杯碟碟都好靚，有曬花紋，好似宮廷嘅感覺。仲要食埋宮廷菜 - 佛跳牆， 仲唔係皇室的享受。
仲有好多款菜色都想揀，而且都好抵食
五香牛
$55
12 views
0 likes
0 comments
第一碟餐前小食係五香牛，每塊切得大小適中，厚薄均勻，牛滷得相當入味。
原盅佛跳牆
$188
13 views
0 likes
0 comments
主打佛跳牆出場啦，一打開個蓋已經迫晒啲香味出黎，材料豐富，有鮑魚、花膠、雞腳、乾瑤柱、冬菇、遼參等等，湯頭清甜，令人想一嚐再嚐。
谷飼豚肉叉燒飯
19 views
0 likes
0 comments
跟佛跳牆餐送叉燒煎蛋飯，唔好以為普通嘅「佬飯」，其實一啲都唔普通，啲叉燒肥美肉嫩，係谷飼豚肉，而且一塊過，之前蘇施黃都有介紹過嘅「等你哋自拿碗碟來外賣$20叉燒飯」，就係呢個啦！
秘製銅盆雞
$118
16 views
0 likes
0 comments
秘製銅盆雞： 相信唔係咁多地方有得食， 所以喺餐牌見到，難得梗係要試一試，上碟前先要用個爐熱一熱去先，再用錫紙包住，上檯嘅時候先至打開錫紙，可以完全保留住雞嘅香味同埋醬汁味道喺銅盆之中，雞肉鮮嫩滑溜，加上有乾蔥蒜片等材料，令雞件更加香噴噴。
鮮忌廉香芒卷
$24
14 views
0 likes
0 comments
甜品方面，我哋叫咗個鮮忌廉香芒卷，外面係芒果糯米糍嘅質地，上面有椰絲，入面係芒果布甸咁嘅質地，中間有一層cream，多重口感，而且唔會太甜，味道超正！
蕃薯糖水
15 views
0 likes
0 comments
之後仲有蕃薯湯水送添，蕃薯又甜又粉，糖水薑味十足，
食完飯仲對個佛跳牆再三回味，下次一定要返去再試！
Post
