海南少爺 (Closed)

今日又來到海港城行街，海港城其實好多好嘢食，雖然價錢略貴，但係味道係好嘅，其中一間值得分享嘅就係海南少爺啦。今日同朋友嚟到，就叫咗一份海南雞飯，一份豉油雞飯，一份牛三寶，一份肉骨茶。人都唔少，坐低咗之後啲餸都算快到。海南雞保持滑嘅水準，沾三種醬汁都幾夾，個人鍾意姜蓉同豉油。豉油雞飯其實都唔錯嘅，但係就未必夾到三種醬汁。值得一題嘅係兩個飯嘅份量都好夠。肉骨茶味道幾夠，直接飲都可以，啲排骨啱啱好唔會太淰或者太un，藥材味都唔會太濃。牛都唔錯，但係比上一次嚟好似少咗啲，隱約覺得牛腩係比例上少啲。如果用海港城成日做嘅優惠券，其實價錢可以，好彩嘅話坐到窗邊位望住靚景就更加好啦。