名 料理 (Closed)

名 料理約咗幾個朋友嚟到大尾督踩單車，早到嚟食個lunch 先。哩間日本餐廳望落環境幾靚，好有日本風味。我同朋友叫咗2個lunch set加多客雞泡魚干。-------------------------刺身拼盤定食 $108刺身有油甘魚，牙帶魚，三文魚同牡丹蝦刺身鮮甜，三文魚味濃郁。刺身幾厚身，一啲都唔吝嗇日式辣豚肉碎湯烏冬 $68烏冬又好滑口肉碎超惹味，少少甜得嚟偏香辣，又辣得幾過癮燒雞泡魚干 $58聞落有啲似燒魷魚，好香食落有咬口，煙韌唔乾，有濃濃嘅鮮味仲配埋沙律醬，係好好嘅下酒菜，大推 🤤-------------------------食完lunch 老闆介紹咗新出嘅$178 4小時自助燒放題，睇落係幾抵玩抵食。同friends 喺大尾督踩完單車兜咗個圈又嚟又開始肚餓啦。一於試埋哩個新出BBQ放題 😚食物種類都幾多，除咗串燒，仲有沙律小食、炸物煮物、卷物、烏冬、飯選擇老闆話餐廳有自己嘅真空機，所有肉都係自己醃自己裝袋，所以醃料更加入味，仲衛生啲𠻹自己最鍾意豬頸肉同多春魚豬頸肉油脂豐富，燒出嚟超級juicy，但食落又好爽口多春魚燒完好香，成肚都魚籽，一啖食落去，一堆魚籽喺口入面