Good Good (Closed)

二訪Good Good，無論主食同甜品都睇得出店家嘅用心，佢嘅特別之處在於會令你欣賞平時唔太鍾意嘅食材，每次食完都覺得心靈得到慰籍，滿足地離開。本來見佢出左Peach Pavlova想約朋友再訪，可惜店家買唔到合適嘅西班牙扁桃同日本水蜜桃要緊急下架，希望桃季完之前有緣一試。 🍽菠蘿嘅海 ($68)創意滿分嘅甜品，由燒金鑽鳳梨、菠蘿紫蘇雪葩、氣泡海洋、菠蘿忌廉芝士、檸檬橄欖油同燕麥脆脆組成，紫蘇雪葩真係第一次食，估唔到同菠蘿又幾夾，忌廉芝士軟滑creamy，最有驚喜係嗰片用sparkling water整嘅啫喱海洋，利用佢略帶鹹味同氣泡嘅特性，完美地將海水嘅鹹同海浪躍動嘅特點呈現出黎。 🍽炭燒咖啡蛋卷 ($58)
蛋糕有彈性唔乾，忌廉輕盈順滑，內藏啫喱，咖啡味道濃郁。 🍽五目天丼 ($118)上次食過嘅五目天丼，即羽衣甘藍、南瓜、茄子、蘆筍同溏心蛋天婦羅飯，粉漿薄又脆，食落唔太油膩，溏心蛋半流心，有趣嘅係阿妹本來唔鍾意羽衣甘藍，喺我強烈推薦下試左一小片，之後就叫我分多啲畀佢，只能講Good Good真係Good Good。順帶一提，麵豉湯好飲。餐牌：