玄鮨 (Closed)

慶祝周年紀念，約左同男朋友去呢間提供廚師發辦既餐廳慶祝坐係bar枱，可以見到師傅整壽司同同司博傾計前菜係日本蕃茄加柚子汁、榮螺同安康魚肝夾餅紫蘇葉花咲蟹腳，超級新鮮，蟹肉鮮甜，口感都夠爽滑，師傅建議想濃味啲就點啫喱跟住係北海道生蠔，師傅好細心將我果份切開兩份，因為女仔難啲一口食晒，男朋友果份就一口過，因為咁食係最原汁原味，生蠔係我食過最鮮甜好味，口感真係好Creamy🤩🤩跟住到刺身有煙薰過既鰹魚，有兩片，前面係背位，後面係腩位，師傅建議先食背位，跟住先食多啲油脂嘅腩位北海道帆立貝，一片係食鮮味，一片係食油脂香，兩種味道，兩種享受然後喺中拖羅同大拖羅中拖羅少啲油脂，同肉類分佈平均，食落無咁滯，大拖羅加左紫蘇葉，去油膩，同埋要一啖食落口，咁就唔會破壞魚脂香刺身之後食個熱食間場金邊魷魚燒半煎炸,香脆惹味之餘魚鮮味都無流失跟住就壽司，咁多款我最鐘意赤木魚壽司同海膽壽司，睇下海膽有幾多！係到尾都會食到，口感creamy、入口即融最後仲有刺身級魚熬成既湯同新鮮水果做甜品🥰