Video
Read full review
2017-06-13
72 views
之前在銅鑼灣登龍街話有間日本米芝蓮拉麵店開張，就起豚王隔離。拉麵呢家嘢我不嬲都係心頭好，所以想試好耐，不過又怕要怒排隊。今日同陳小姐見到得幾個人排，咪走去試下。頂，原來係一個大大伏！排緊隊嗰時，望住店裏面個電視介紹間店，個店主原來之前做fashion，09年先轉做拉麵，大家已經有少少不詳預感😨😨😨。睇埋個餐牌，得兩味 ｰ 醬油和鹽味。個醬油仲話起和歌山醬油廠特別製做來配合佢地，都吹到好大。不過再睇，鹽味拉麵配橄欖醬，醬油拉麵配黑松露醬，又係嗰d騙鬼佬fusion手法，真係識食的人都心知更不妙！！我同陳小姐各自選左鹽味同醬油味，每人加多隻蛋添，每碗要成$113。一入到去個侍應就話要先俾左銭先，而且無得後加。我多口講句要俾銭先，唔通怕碗麵難食到唔俾銭咩，點知後來真係發現開口中，呢個已經係後話。原來入左店、俾左銭仲要等。成間嘢bar台格局，大家睇住廚師煮麵，有個幫手同佢"拾馬"，另一個靚仔在一旁專做豚肉飯。安排左坐起個靚仔師父附近，坐底後見到人人一塊膠盤在台面，以為咁樣好整齊，我就覺得去左大家X或大X活食快餐一樣，多左嚿魚。望一望個靚仔帥父，正在攞左五六嚿豚肉粒岀來，跟住用燈熗燒d肉粒，之後
排緊隊嗰時，望住店裏面個電視介紹間店，個店主原來之前做fashion，09年先轉做拉麵，大家已經有少少不詳預感😨😨😨。睇埋個餐牌，得兩味 ｰ 醬油和鹽味。個醬油仲話起和歌山醬油廠特別製做來配合佢地，都吹到好大。不過再睇，鹽味拉麵配橄欖醬，醬油拉麵配黑松露醬，又係嗰d騙鬼佬fusion手法，真係識食的人都心知更不妙！！
我同陳小姐各自選左鹽味同醬油味，每人加多隻蛋添，每碗要成$113。一入到去個侍應就話要先俾左銭先，而且無得後加。我多口講句要俾銭先，唔通怕碗麵難食到唔俾銭咩，點知後來真係發現開口中，呢個已經係後話。原來入左店、俾左銭仲要等。成間嘢bar台格局，大家睇住廚師煮麵，有個幫手同佢"拾馬"，另一個靚仔在一旁專做豚肉飯。
安排左坐起個靚仔師父附近，坐底後見到人人一塊膠盤在台面，以為咁樣好整齊，我就覺得去左大家X或大X活食快餐一樣，多左嚿魚。望一望個靚仔帥父，正在攞左五六嚿豚肉粒岀來，跟住用燈熗燒d肉粒，之後起電飯煲攞少少飯岀嚟，放落個碗一邊，正常打散弄鬆d飯後，竟然又將d飯再弄到實的的成一團？！當然呢個行為完全為好睇，然後將嗰幾嚿肉粒，好似做手術咁一嚿一嚿放上去，最後淋汁。我馬上同陳小姐你眼望我眼，心裹面不其然説岀一句："死，今次大檸樂！"
估唔到一碗拉麵要等咁耐，個師父好似起另一個次元做嘢咁，平常人用一秒的東西，佢應該要兩三秒先做到。見到佢一次過做四碗麵，應應該有得食啦呱。點知係俾之前、之前前、之前前前的人，吓，頭先入嚟已經懶有系統攞我地兩個張飛，原來有嚴重時間差，俾呀師父彫龍彫鳳做表演，再唔怪得知d鬼佬buy。
再等左一段時間，已經唔係好想食，個拉麵就嚟。我個鹽味湯底顏色好清，望去陳小姐嗰碗醬油d色點解同我一樣色，咁一係真高手真好味，一係兩碗難食到無論。第一口當然係試個湯底，吓，清到趨近無味，再一口喝陳小姐個湯底，吓，個醬油味淡到呢。唔怪得知有d食評讚個湯底清，真係清到無味。盼有一絲希望去撈埋個橄欖醬睇下有無好轉，點知仲難食，好似橄欖味熱水，陳小姐仲可憐，黑松露熱水。個麵無乜特別，幼條冧身，配上呢兩味熱水湯底，一絶，係絶望個絶。我食到第三口麵後，點都再食唔落口。唯有食埋嗰一千零一條淡味筍，又係懶有藝術咁條筍身彫絲，咁唔該攪返條筍有味先去玩。最後食隻蛋，一樣唯一有味的東西，多謝晒，我地唔會再來。
之後，行返過隔離豚王再食過。
鹽味拉麵
$113
6 views
0 likes
0 comments
醬油味拉麵
$113
4 views
0 likes
0 comments
蛋
$15
11 views
0 likes
0 comments
Post
