Good Satay

今日冇食晏，好肚餓，下午茶時間經過好時中心，諗起好耐未食過佢，就去食吓。叫咗個喇沙。喇沙個樣係正常嘅，但食落係完全冇味，啲蝦個口感係淋淋地，豆卜米粉完全冇味，魚蛋好少少，我唔想太浪費食物，都食咗大半碗先走。埋單時都忍唔住同個姐姐講話碗喇沙係完全冇味嘅，佢話會同返老細講～
$65 話平唔平，話貴唔貴，但我自己覺得係完全嘥錢，因為我已經係喺好肚餓嘅情況之下食都覺得唔好食。食完都好似唔知食咗啲乜
可能叫沙嗲會好啲。