興中會 (Closed)

好耐無搵中同食飯，於是乎就揀左興中會，貪佢有點心食，可以懷愐一下中學時代午餐去飲茶的時光。呢度其實更似一間bar的格局，因為仲可以飲下啤酒cocktail。飲茶當然要食下燒賣、蝦餃、煎腸粉，最好既就係呢度除左點心，仲有其他小菜、炒飯炒河食。蝦餃皇不負其名，差唔多有2、3隻蝦係入面，用料新鮮。帶子黑松露燒賣浸出淡淡的黑松露香味，而且燒賣本身唔會好多肥豬肉，適合鐘意食得健康的我地。大良鮮奶卷，炸得香脆，細細舊容易入口。牛油蘆荀炒雜菌份量十足，蘆筍爽脆，雜菌新鮮，剛上枱時散發出輕微的牛油香味，味道不俗。干炒韓牛河有意外驚喜，牛肉大大塊之食餘，亦有濃郁的牛味，但一d都唔會韌，十分可口。再加上呢個炒河一d都唔油，值得encore。最後食埋佢既杞子桂花糕作甜點，連中同都好滿意呢餐懷愐過去的點心聚。