Read full review
2017-03-08
985 views
正日生日第一餐當然同我同一日出世嘅家姐以及家人慶祝啦,我哋揀咗呢間位於將軍澳嘅泰越菜。下午十二點左右嚟到,客人唔多,職員帶咗我哋座喺落地玻璃前嘅大圓枱,餐廳燈光柔和,座位舒適,可以望到商場外嘅平台。食物方面賣相精美,份量不算太多,味道幾好,唔算太濃,亦唔會好油膩。冬蔭功湯好足料,唔太辣。炒金邊粉好味,唔油。四人小食拼盤,柚子青芒蝦沙律感覺好清新,蝦餅彈牙,雞肉串燒普普通通,豬肉涷卷清清淡淡,可以平衡熱氣食物。咖喱雞柳配薄餅,咖喱唔太特出,中規中矩。越式牛尾煲好惹味,不過份量有啲少。
Post