上海姥姥 (Closed)

第一次嬲到要寫食評去公告天下，24/11/2017 19:15左右，收工同太太兩嗰人經過呢間唸住試吓，入到去比張枱我哋，張枱腳唔平，郁下郁下，算吧！知道收工呢啲時間太多人等位，廢事轉抬。 果班C9 侍應，D服務唔多講，太太叫咗碟上海粗炒，我叫咗一碟黃金蝦仁炒飯， 果嗰炒飯幾分鐘左右到，我都好懷疑是否有人落錯單，而無人要果D，因為食落覺得唔係太熱。 我成碟炒飯都食完，太太嗰碟上海粗炒追咗三次單都仲未到 ，太太嬲到唔食叫買單走人，等張單等咗幾分鐘都未到，我哋最後出咗櫃檯買單，嗰C9侍應話仲未改好張單，谷9氣放低$68碟飯錢走人，最後陪大太去咗麥記食。