龍門客棧

Open Now

Now Closed

年三十晚好多食肆都收咗樓，誤打誤撞入咗呢一間舖頭，味道唔錯，好友小店風味。Set Lunch有唔樣嘢揀，我哋兩個人就揀咗惠州甜梅菜蒸肉餅同埋姐婆尤墨小鮮肉，兩樣嘢食嚟到嘅時候先至發現原來都係肉餅。我個人就鍾意姐婆尤墨小鮮肉多啲，其實即係墨汁魷魚肉餅，魷魚味香，可能因為用咗墨魚汁嘅關係所以有輕微海水鮮味。惠州甜梅菜蒸肉餅嘅梅菜味就唔係好覺，不過兩個肉餅嘅肉質都唔錯，好欣賞肥肉算少。跟餐嘅飯有菜同蝦米喺面，都幾大碗。另外是日有個鹽豆漿免費試食，辣嘅，入面都幾多料，唔錯，不過似湯多過豆漿。