Pancake House HoiHoi (Megabox) (Closed)

❣️姐姐開心到見牙唔見眼😆因為終於食到Hoi Hoi Pancake House❣️ 呢幾個月姐姐都keep住要去做檢測..睇住佢俾人做測試都有啲唔舒服...因為每次做完測試佢都會流鼻血同埋作嘔...之前問佢想食乜嘢佢就話好想食震下震下嗰個pancake😆好啦咁我哋一齊嚟食啦😚姐姐睇完個餐牌即刻揀咗夏威夷班戟漢堡配芝士！佢話未試過有肉嘅pancake 🤣🤣睇落去好似漢堡包🍔但係包皮就用咗pancake黎做！裏面夾住左兩大塊蕃茄🍅仲有生菜🥬洋蔥、芝士、同埋勁大嚿牛肉！當然唔少得姐姐最鍾意嘅薯條la！條條都脆卜卜好好味😋飲品佢就揀咗超級花果茶！佢話見到Super fruit好似好勁咁！所以想試吓佢咩味道😆味道佢話有少少酸然後又有少少甜仲好似有少少玫瑰味🌹我就揀咗抹茶沙冰💚估唔到個份量都幾大杯！唔會好苦好容易入口！飲落仲好creamy添🥰睇到姐姐望住隔離個限定餐牌眼眨眨！所以叫埋呢個沖繩紫薯梳乎厘班戟！厚厚既紫薯條條包圍着pancake！姐姐話好似意大利粉😆其實係紫薯茸！加左Mascarpone芝士同蜜糖，食落唔會好甜！姐姐話好似食緊生日蛋糕慶祝咁🎂超級開心🥳