幸福單品咖啡

Open Now

Now Closed

如果說，去了會變幸福，會誇張了嗎？在充滿住社會煩惱既日子，搵到一個可以放低一切既地方，實在難得。呢間小店會係我既首選。名副其實既小店，位置大約十個。坐位不算寬敞，卻令人舒服。舒服在於老闆娘既親切態度。老闆娘每一句招呼、每一次招待，都令我覺得自己融入呢間小店。舒服在於客人既互相幫助。老闆娘在忙時，可能未必照顧到每一位客人，熟客便會幫忙遞餐、水等；有外國人來，客人又會幫忙翻譯。說這是一個小社區，亦不錯。小店主打單品咖啡，大約二三十款單品咖啡供應，餐牌上每款都有其味道介紹，最適合怕羞仔慢慢睇，睇完先落單。食物我點了幸福三文治。說實話，好好味。單純既味道、幸福既感覺。如果要形容到像拍電影既感覺，未免失實，但就是令我感到滿滿幸福。麵包咸脆、餡料豐富、新鮮熱辣，夫復何求？價錢黎講，單品咖啡黎講真係超平。最平35蚊一杯。三文治以份量計亦是超值之選。幸福，是主觀的。而這小店便是我心水。