金所 (Closed)

白布烏冬，講到好特別咁，所以好奇一試，襯今日星期日算早起，所以揸車去試下。地點：隔zip，唔揸車我唔會去。等候時間：好彩早去，12點半前到，第一round已入，我係第二round排第3個，都算快，within 15分鐘入得。環境：個bar枱個所謂「social distancing隔開人嘅板」，塊板好hea細到嘔，同唔隔冇分別。我哋俾安排坐房仔，OK～樓面得一個女士，要控制前面排隊人流，點菜同執野，辛苦哂。味道：沾麵同湯麵都試咗，just so-so，冇乜特別～ 可能我哋食開濃味，所以個湯底覺得偏淡。方型布烏冬食起上嚟有難度，所以唔好同心儀男士/女士去食(joking)，因好難會得elegant，用筷子夾會”sir”，要快吸，哈哈～ 質感似厚身彈牙d嘅雲吞皮，gimmick新鮮感。我哋對沾麵有期望，以為佢會好過深水埗個間，點知冇乜特別。［同深水埗個間沾麵同一集團(初期未裝修仲係日本人打理未轉手前深水埗好食到會返尋味，裝修後差好多完全唔係個回事，服務又差）上菜速度快，d人都食得快，所以turnaround time都快，走時兩點出面排長龍。總括：佢做唔到深水埗初期好食到會令人返尋味en