素一 (Closed)

上星期五終於來到呢間廣受素食朋友推介既餐廳。正值午餐時間來，雖然人多，但好在座位唔算逼，檯與檯之間都有一定空間。我地係食午市自助餐，所以埋位之後就出擊搵嘢食。揀嘢食既地方集中係餐廳一個角落，一開始人並唔多。炒麵呢啲基本菜式都有得選擇。仲有素食壽司區，算係全場最吸睛既area。🍣素壽司既壽司飯有醋味適宜，粒粒分明；第一次食素食刺身，口感都似真魚生，有啲魚味，都幾好奇點樣用蒟蒻整出來。食物質素整體出色，但好遺憾冇素叉燒食😔如果有一定錦上添花！同埋個胡椒苦瓜湯胡椒味唔重，似係落佐好多胡椒粉既湯。羅漢果水都偏稀。