明記潮館 (砵蘭180+商場)

Open Now

Now Closed

估唔到呢一個商場入面會有間咁大間嘅餐廳喺度，商場地下已經有一個位置放幾張枱食，估唔到上到去我諗足足都有成萬尺的地方。上面嘅枱數好多，人數都好爆滿。而且佢有一個位置係專擺海鮮嘅，另外仲會有個位置係放潮州必食嘅滷味，裝修嘅風格都幾特別。首先點一個潮式嘅滷味拼盤，入邊會有鵝片同紅腸，墨魚，豬大腸。個底仲會有芽菜。拒嘅滷水味道啱啱好，有鹹香味，亦都會有花椒八角嘅香，唔錯。燒汁豆腐牛柳粒係一個值得推薦嘅菜式，除咗佢燒汁嘅味較特別之外，牛嘅口感都軟身，叫外佢嘅半碟豆腐係經過油炸，似臭豆腐口感，食落去又會有脆嘅感覺，做到有雙主角嘅效果。另外仲叫咗條冬烏頭，呢度嘅價錢唔算太貴，二百幾蚊一條。而且非常之大條，d肉食落去彈牙，有鮮甜味，唔會太咸，味道做得剛剛好。食完咸食之後其實好想食返一個甜品，例如潮式好出名嘅反沙芋，但係呢到無甜品食。。如果下一次有得食就非常之好啦。