Video
Read full review
2020-08-15
178 views
自己食咗都有十幾年泰國嘢，都真係第一次喺香港食到咁唔正宗、咁難食嘅泰國嘢（我覺得可以話佢係侮辱咗泰國嘢都不足為奇）首先上台嘅係木瓜沙津同撈檬，個木瓜沙津完全係唔掂，啲木瓜同青瓜係硬身。加上啲汁係完全唔掂，又唔酸又唔夠味，冇花生做伴菜，同埋係好隨便撈出嚟嘅醬汁噉。第二，個豬扒撈檬嘅豬扒係超級鞋，超級難食，唔知咩味（感覺似雪藏味為主）。個撈檬汁亦係唔夠味，同埋唔知點解會加咗啲櫻花蝦米，九唔搭八。成碗撈檬真係10分只可以俾2分，因為啲檬粉係正常。到咗小食，可以見到19蚊嘅玻璃魷魚係有成“5大嚿”，原來嗰幾塊魷魚有咁珍貴！重要啲汁又係冇味，要自行調味，又唔爽脆，到底邊度玻璃呢？？？脆豬皮，有啲係硬到一個點，差啲咬唔爛。感覺走咗氣定唔知係存放不良。啲船麵湯飲都算叫做okay，不過只係得彩虹湯比較似泰式，其他你唔講真係唔知食緊泰國船麵。同埋叫5碗，又可以有一碗做俾錯咗湯，飲落都唔知咩湯嚟。最後要講個嘢飲，無錯，係連嘢飲都唔掂。杯泰式奶茶，又係唔夠味，唔夠甜，之後飲飲下直頭冇埋味，好神奇！大家如果想食超難食啲泰國嘢，不妨過嚟一試。不過預咗有心理準備食到講粗口。補多些少，當時我哋用order紙落單，其
首先上台嘅係木瓜沙津同撈檬，個木瓜沙津完全係唔掂，啲木瓜同青瓜係硬身。加上啲汁係完全唔掂，又唔酸又唔夠味，冇花生做伴菜，同埋係好隨便撈出嚟嘅醬汁噉。
第二，個豬扒撈檬嘅豬扒係超級鞋，超級難食，唔知咩味（感覺似雪藏味為主）。個撈檬汁亦係唔夠味，同埋唔知點解會加咗啲櫻花蝦米，九唔搭八。成碗撈檬真係10分只可以俾2分，因為啲檬粉係正常。
到咗小食，可以見到19蚊嘅玻璃魷魚係有成“5大嚿”，原來嗰幾塊魷魚有咁珍貴！重要啲汁又係冇味，要自行調味，又唔爽脆，到底邊度玻璃呢？？？
脆豬皮，有啲係硬到一個點，差啲咬唔爛。感覺走咗氣定唔知係存放不良。
啲船麵湯飲都算叫做okay，不過只係得彩虹湯比較似泰式，其他你唔講真係唔知食緊泰國船麵。同埋叫5碗，又可以有一碗做俾錯咗湯，飲落都唔知咩湯嚟。
最後要講個嘢飲，無錯，係連嘢飲都唔掂。杯泰式奶茶，又係唔夠味，唔夠甜，之後飲飲下直頭冇埋味，好神奇！
大家如果想食超難食啲泰國嘢，不妨過嚟一試。不過預咗有心理準備食到講粗口。
補多些少，當時我哋用order紙落單，其實都叫咗個侍應，等咗好幾分鐘，但係依然係一個等陣，然後繼續去執台。重要係執完一張又一張，完全係唔諗住幫我哋落單。我真係覺得佢哋嘅服務態度好神奇，神一般嘅準則。
Post