Video
Read full review
2014-08-08
6348 views
係團購見到任食鵝肝生蠔又好似有幾多野食都係$200頭，上埋openrice睇有啲驚，但因為係反工隔離所以膽粗粗買嚟試下，已醒目問定係咪生蠔同鵝肝係兩樣都有得任食先買(因之前食評有人話只可二選一，可能依家改左/團購關係，所以我地係兩樣都有的)一坐底，當然點生蠔、鵝肝、三文魚先啦，叫左 兩round 每次嚟得三隻(因跟人數嚟無得自己寫幾多)，問人可唔可以每次嚟多啲，唔係好浪費紙張，佢地好好，之後生蠔每次嚟六隻👍生蠔唔係美國蠔，應該係澳洲，岩我😋都新鮮一啲都唔腥，好過某啲酒店buffet,三文魚夠香，唔係比啲雪到無味你食，鵝肝見之前食評好多人讚，佢個多士係炸的，鵝肝唔蘇，好味，頭兩件都可以，但之後嚟果啲，件多士好似浸完油先攞出嚟，超級膩😖乳豬係成晚唯一驚喜好滑,皮好脆好好味,讚出去行左兩個圈，真係格硬夾左雞翼同金沙骨，其他真係唔會想食。😩甜品得2款,團購標榜個黑松露朱古力慕士竟然係無囉,好彩個木糠布甸好食總括:成晚淨係不停食肝鵝肝生蠔三文魚-_-"
係團購見到任食鵝肝生蠔又好似有幾多野食都係$200頭，上埋openrice睇有啲驚，但因為係反工隔離所以膽粗粗買嚟試下，已醒目問定係咪生蠔同鵝肝係兩樣都有得任食先買(因之前食評有人話只可二選一，可能依家改左/團購關係，所以我地係兩樣都有的)
一坐底，當然點生蠔、鵝肝、三文魚先啦，叫左 兩round 每次嚟得三隻(因跟人數嚟無得自己寫幾多)，問人可唔可以每次嚟多啲，唔係好浪費紙張，佢地好好，之後生蠔每次嚟六隻👍生蠔唔係美國蠔，應該係澳洲，岩我😋都新鮮一啲都唔腥，好過某啲酒店buffet,三文魚夠香，唔係比啲雪到無味你食，鵝肝見之前食評好多人讚，佢個多士係炸的，鵝肝唔蘇，好味，頭兩件都可以，但之後嚟果啲，件多士好似浸完油先攞出嚟，超級膩😖
乳豬係成晚唯一驚喜好滑,皮好脆好好味,讚
出去行左兩個圈，真係格硬夾左雞翼同金沙骨，其他真係唔會想食。😩
甜品得2款,團購標榜個黑松露朱古力慕士竟然係無囉,好彩個木糠布甸好食
總括:成晚淨係不停食肝鵝肝生蠔三文魚-_-"
Other Info. :
平時食親團購都會開住個團購食物list 再叫野食，因為試過有啲購團真係貨不對板的，但今次yahoo 個團購電話show 唔到張相出嚟，所以今日電腦開反睇反，完來真係好多野食當日係無得叫亦無出現過😡😡😡甜品最少供應10款，點知得木糠布甸同紐約芝士，重要最想食果個黑松露朱古力慕士係無得叫無得攞架囉!
侍應個個都好好,呢點要幫佢地平反,好有禮貌,又會講笑,仲FREE左一杯汽水^^
(The above review is the personal opinion of a user which does not represent OpenRice's point of view.)
Post
